குடி குடியைக்கெடுக்கும்…

 ‘டேய் சின்னா.. என்ன அப்படி பாக்குற.. முதல்ல யோசிக்கிறத நிறுத்து.. சரக்கு உள்ளே போனா எல்லாம் சரியாயிடும்..’ என்றான் கோட்டி. நான் என் முன்னால் இருந்த கண்ணாடி டம்ளரையே உற்றுப்பார்த்துக்கொண்டிருந்தேன். பொன்னிறமான ஒரு திரவம் கோலி சோடா ஊற்றப்பட்டு என் முன்னால் வைக்கப்பட்டிருந்தது. என் இடது கையில் முறுக்கு. ‘பட்டுன்னு எடுத்து அடிச்சுட்டு முறுக்க ஒரு கடிகடிச்சுக்கோ..’ இது கோட்டி. ‘இல்ல இதிலிருந்து வர்ற வாசன எனக்கு பிடிக்கல..’ என்றேன். ‘பாவி மகனே.. உனக்காக கஷ்டப்பட்டு ஒஸ்தியான சரக்க வாங்கி வந்தா நீ என்னடான்னா வாசன பிடிக்கலன்ற..’ ‘இதோ பாரு.. இப்ப நீ குடிக்கல… மவனே நா உ வாய திறந்து ஊத்திப்புவேன்…’ என்றான் மிரட்டலாக.  ஆனது ஆகட்டும் என்று பட்டென எடுத்து குடித்துவிட்டேன். தொண்டையிலிருந்து வயிறு வரைக்கும் உள்ளே  யாரோ தீவைத்தது மாதிரி இருந்தது. ‘ஐய.. கசக்குது..’ என்று நான் கண்ணாடி டம்ளரை கீழே வைத்தேன். ‘முதல்ல கசக்கத்தான் செய்யும்.. அப்புறம் சரியாயிடும்..  கையில இருக்கிற முறுக்க கடிச்சுக்க..’ என்றான். கடித்துக்கொண்டேன். உள்ளே எரியும் தீக்கு இந்த முறுக்கு ஒரு சோளப்பொறிமட்டுமே. ‘என்னப்பா கபகபன்னு வயிறு எரியுது..’ என்றேன். ‘கொஞ்ச நேரம் அப்படித்தான் இருக்கும்.. இந்தா இந்த மிக்சரையும் சாப்பிடு..’ என்று எனக்குத்தந்தான்.  நான் கோட்டியை பார்த்தபடி சாப்பிடலானேன்.

என்றைக்கும் இல்லாத தனி ருசி இந்த அண்ணாச்சிக்கடை மிக்சருக்கு எப்படி வந்தது என்று கையில் உள்ள மிக்சரைப்பார்த்து யோசித்துகொண்டிருந்தவனை ‘மாப்ள அடுத்த ரவுண்டு போடட்டா…’ என்றான் கோட்டி. ‘போடு மாப்ள..’ என்று சொன்னேன். இப்போது என் குரல் கணீரென்று எனக்கு கேட்டது.  உடலில் புது உற்சாகம் ஊற்றெடுக்க ஆரம்பித்திருந்தது.  இம்முறை கோட்டியின் வற்புறுத்தல் இல்லாமலேயே கண்ணாடி டம்ளரை எடுத்து நிமிர்நது கோட்டியை இளக்காரமாய் ஒரு பார்வை பார்த்துவிட்டு மடமடவென குடித்தேன். ‘யேய்.. பாத்துப்பா.. தலைக்கு ஏறிடப்போகுது’ என்றான் கோட்டி.  நான் குடித்து முடித்துவிட்டு கண்ணாடி டம்ளரை பட்டென வைக்கவும் அது உடைந்தது.  கோட்டி என்னை முறைப்பதை லட்சியம் செய்யாமல் மெதுவாக எழுந்தேன். நின்றேன். நாங்கள் குடிப்பதற்க்காக தேர்ந்தெடுத்த இந்த மலையுச்சியின் ஒரு புறத்தில் எங்களூரின் மாட மாளிகைகளும் கூட கோபுரங்களும் தெளிவாக(?)த்தெரிந்தன.  மலையின் மறுபுறத்தில் பாண்டிச்சேரி பைபாஸ் சாலையில் ஒன்றிரண்டு வாகனங்கள் ஊர்ந்து செல்வதும் தெரிந்தது. ‘மாப்ள உக்காருடா.. என்ன தலய சுத்துதா..’ என்றான் கோட்டி.  நான் அவன் பேசுவதை காதில் வாங்காமல் மெல்ல நடந்தேன். அருகில் உள்ள பெரிய பாறையின் அருகே சென்று அதில் நின்றபடியே சாய்ந்தேன். எனக்குப்பின்னால் வந்த கோட்டி அந்த பாறையில் ஏறி அமர்ந்தான்.  ‘என்னடா உன்னய கூட்டிக்கிட்டு வந்தது நானு.. எம்பேச்ச கேக்காம நீ பாட்டுகிட்டு போறீயே…’ என்றான் பாறையின் மேலிருந்து. இப்போது என்னுடைய உடலில் ஆயிரம் யானை பலம் வந்திருப்பது அவனுக்குத்தெரியாது. ‘டேய்.. கோட்டி.. டேய்.. உன்ன இப்ப இந்த பாறையோட கீழ தள்ளட்டுமா..’ என்றேன். அவனும் சிரித்துக்கொண்டே ‘எங்க தள்ளு பாக்கலாம்..’ என்றான்.  நான் என் இரு கைகளையும் பாறையின் மேல் வைத்து அழுத்திக்கொண்டு கண்களை மூடிக்கொண்டு ‘ஆ’ என்று சப்தமிட்டபடி வேகமாக பாறையைத்தள்ளினேன். கை வலித்தது. கண் திறந்து பார்த்தேன். பாறை நகரவில்லை. கோட்டி சிரித்தான். ‘மாப்ள இதுக்குப்பெயர்தான் போத..’ ‘கவலப்படாத இன்னுமொரு கிளாஸ் உள்ளப்போனா உண்மையாகவே உனக்கு பலம் வந்து விடும்..’ என்று சொல்லிவிட்டு மீண்டும் மிச்சமிருந்த சரக்கை மிச்சமிருந்த ஒரு கண்ணாடி டம்ளரில் ஊற்றினான்.

எனக்குள் கட்டுக்கடங்கா மகிழ்ச்சி. பாறையைச்சுற்றி ஓடி வந்தேன். என்னை தடுத்து நிறுத்தினான் கோட்டி. ‘யேய்.. நில்லுப்பா.. இந்தா இதயும் குடி..’ என்று டம்ளரை நீட்டினான். இம்முறை நின்று நிதானித்து குடித்தேன். என்னையறியமால் என் கால்கள் துள்ளின. ‘டேய் அடங்குடா.. புதுசா குடிக்கும்போது கவனமா இருக்கணும்.. நம்ம உடம்பு சரக்குக்கு செட் ஆகணும்..’ என்று அவன் சொல்லிக்கொண்டிருக்கும்போதே கயில் இருந்த கண்ணாடி டம்ளரை பாறையின் மேல் ஓங்கி அடித்தேன். கோட்டி பயந்துவிட்டான். ‘டேய்.. சின்னா வாடா போகலாம்..’ என்றான். ‘இரு போகலாம்.. இந்த மலையில இருக்கிற கல்லையெல்லாம் பொறுக்கி தூரப்போட்டுவிட்டு போயிடலாம்..’ என்று சொல்லிவிட்டு வானத்தை பார்த்தபடி சிரித்தேன்.  பகலிலேய நட்சத்திரங்கள் நன்றாகததெரிந்தன.

கோட்டி இம்முறை நிதானமாய் செயல்பட்டான். கையிலிருந்த வஸ்த்துக்களையெல்லாம் தூர வைத்துவிட்டு அமைதியாய் ஓரிடத்தில் அமர்ந்து நான் செய்வதையே வேடிக்கை பார்த்துக்கொண்டிருந்தான். நான் அவனைப்பார்த்து சிரித்துக்கொண்டிருந்தேன். ‘மாப்ள.. உனக்கு மப்பு ஏறிடுச்சு..  வா சீக்கிரமா ஊருப்பக்கம் போயிரலாம்..’ என்றான். ‘ஊரா.. எந்த ஊரு..’ என்று சொல்லிக்கொண்டே நான் மலையின் மறுபுறம் விருவிருவெற இறங்கத்தொடங்கினேன். ‘டேய் மாப்ள நில்லுடா.. நான் சொல்லுறதக்கேளு.. வேகமா இறங்காதே..’ என்று என் பின்னால் கத்திக்கொண்டே கோட்டி ஓடி வந்துகொண்டிருந்தான். இறக்கத்தில் ஓரிடத்தில் நின்றேன். இப்போது கோட்டி என்னருகே வந்து ‘முட்டாப்பயலே இவ்வளவு வேகமாவா இறக்கத்துல இறங்கறது.. ஏண்டா இந்தப்பக்கம் இறங்கினே..’ என்று கேட்டான். அவன் கேட்டதற்க்கு நான் பதில் சொல்லாமல் ‘அங்கே பார்..’ என்றேன் தூரத்தில் பைபாஸ்சாலையில் வேகமாக வந்துகொண்டிருந்த ஒரு சரக்கு வாகனத்தைக்காட்டி.  ‘அதுக்கென்ன இப்ப..’ என்றான் கோட்டி. ‘இப்ப பாரு..’ என்ற படியே கையில் அடங்குகிற மாதிரி ஒரு பெரிய கல்லை எடுத்துக்கொண்டு மிக வேகமாய் மீண்டும் மைலைச்சரிவில் இறங்க ஆரம்பித்தேன். ‘டேய்.. என்ன செய்யப்போறே..’ என்ற கோட்டியை திரும்பிப்பார்த்து விட்டு பைபாஸ் சாலையில் எனைநோக்கி வந்துகொண்டிருந்த அந்த வாகனத்தை நோக்கி கல்லை எறிந்தேன்.

—————————————————————————————————————————-

தினத்தந்தி செய்தி :  மணமை, சூன் 21 –  பாண்டிச்சேரியிலிருந்து சென்னை நோக்கி சாராயம் கடத்திக்கொண்டு வேகமாக வந்த சரக்கு லாரி ஒன்று மணமை மலையை ஒட்டி அமைந்துள்ள பைபாஸ் சாலையில் நேற்று கவிழ்ந்தது. லாரி கவிழ்ந்ததால் சரக்குப்பொதியின் கட்டவிழ்ந்து  சாராயபாக்கெட்டுகள் சாலை முழுவதும் பரவிக்கிடந்தன.  தகவலறிந்த காவல் துறையினர் சம்பவ இடத்திற்க்கு விரைந்து சென்று வாகனத்தை கைப்பற்றியதோடல்லாமல் அனைத்து சாராயபாக்கெட்டுகளையும் ரோட்டிலேயே பரப்பி ரோடு ரோலரின் மூலமாக நசுக்கி அழித்தனர்.

Advertisements
Published in: on ஜூலை 22, 2010 at 5:30 முப  Comments (2)  

The URI to TrackBack this entry is: https://ksurendran.wordpress.com/2010/07/22/%e0%ae%95%e0%af%81%e0%ae%9f%e0%ae%bf-%e0%ae%95%e0%af%81%e0%ae%9f%e0%ae%bf%e0%ae%af%e0%af%88%e0%ae%95%e0%af%8d%e0%ae%95%e0%af%86%e0%ae%9f%e0%af%81%e0%ae%95%e0%af%8d%e0%ae%95%e0%af%81%e0%ae%ae%e0%af%8d/trackback/

RSS feed for comments on this post.

2 பின்னூட்டங்கள்பின்னூட்டமொன்றை இடுக

  1. //தினத்தந்தி செய்தி ://

    ங்…கொய்யால என்ன தகிரியம் இருந்தா ,குடிச்சு புட்டு லாரிய கவுத்து புட்டு ..அத Blog ல பெருமையா போடுவீங்க …?
    “குடி லாரிய கவிழ்க்கும் ,உங்கள மாதிரி குடிகார பயலுக சகவாசம் என்னை மாதிரி அப்பாவிகளின் எதிர் காலத்தை கெடுக்கும் ”

    இதை நான் வன்மையாக கண்டிக்கிறேன் ……..

    • ஏலேய்.. அன்னிக்கு ஊத்திக்கொடுத்திட்டு ஓடுனவந்தான நீ.. மவனே நீ எந்த ஜில்லாவில இருநதாலும் சரி.. உன்ன விடமாட்டேன் பாத்துக்க..


மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

Travel Twosome

உங்களுக்காக...

பேயோன்

@ThePayon ~ twitter.com/thepayon

Welcome to Sramakrishnan

உங்களுக்காக...

Charuonline

உங்களுக்காக...

%d bloggers like this: